GOIENArentzako telebista platoa

Goiena Komunikazio Taldearentzako 2014-2015 denboraldirako telebista plato berria diseinatu eta ekoiztu genuen. Bezeroa toki hedabidea izanik, low-cost proiektu gisa planteatu genuen jatorritik, bai materialak zein muntai sistemak aukeratzerakoan. Eta beraz, erabilitako lehengai nagusi eta ia bakarra kartoizko kaxa izan zen. Kaxa zuri kubikoak elkarri itsatsita, bolumen desberdinak osatu genituen. Bolumen edo gorputzak elkarrekiko desberdin kokatuta, beste programentzako eszena konfigurazio berriak lortzeko aukera ere ematen dio bezeroari.  Diseinu berria ziklorama eta led argiztapen sistema berriekin osatu zen. Proiektu merkea eta %100 birziklagarria.