A bocados

Hara!

Gure aspaldidaniko bezero eta lagun den Txomin Parrilla EITBko A Bocados telebista saioan agertu zen joan denean bere produktu nagusia den Eusko Labeldun Basatxerri aurkezten.

DENOKen hainbat ekitalditan erabiltzen dituen bere azpiegitura guztiak pertsonalizatu dizkiogu Txomin Parrillari: txerria erretzeko erabiltzen duen erremolkea, sagardoa eskaintzen duen benetazko kupela integratzen duen erremolkea eta nola ez, erremolke hauek herriz-herri mugitzen dituen furgoneta ere bai.

Iñigo Borda artistaren elkarlanari esker, baserri giroan inspiratutako ilustrazio lan paregabeak erabili genituen proiektu honetarako eta emaitza oso ikusgarria lortu genuen. Ondorengo bideoan ikus dezakezue lan hau…

Merkatutik zuretzat! ekimena

Urte berria parte hartze handiarekin hasi degu urtarrileko ekitaldia. Poza ematen du hasieratik hilero-hilero joaten den jendeak eta hurbiltzen diren jende berriak ere nola alaiki galdera piloa jaurtikitzen duen ikustea, bai ekitaldian sarrera ematen duten baserritarrei garaiko produktuak esplikatuz eta baita Aiala sukalde eskolako sukaldariei ere.

Beti bezala Merkatu Plazako postu desberdinetako produktuez osaturiko otarra zoragarri bat zozketatu genuen bertako erostaileen artean. Ikusi besterik ez dago ze poza hartu zuen irabazleak jasotzerakoan…

MerkatutikZuretzat_urtarrila_otarra

Merkatutik zuretzat! ekimena Zarautzeko Merkatu Plaza sustatzeko eginiko proiektua degu, DENOKen diseinatu eta produzitu deguna, Zarauzko Udala, Urkome, Aiala eta Gipuzkoako Foru Aldundiaren laguntzarekin. Urte bat iraungo du ekimen honek eta jadanik 10.edizioa pasa da. Martxoan izango da azkenengo ekitaldia, beraz, oraindik izan ez zaretenok, etzazue galdu okasioa garaian garaiko produktuak nola sukaldatu teknika desberdinak ikasteko profesionalen eskutik edota baserritarren aholkuak jasotzeko baratzeko lanetarako.

BASQUE GABONETAKO AZOKA

Asteburu honetan, Areatzako pasealekua Bilbo handitik urrun dauden herrietan ohikoagoa den eszenatokia bihurtu zen. Egun horietan “Basque Gabonetako Azoka”-ren lehen edizioa egin zen, non euskal landa inguruneko bizimodua birsortu zen hiriburuaren erdian, antzinako baserri baten erreproduzio batekin, landa ingurunearen eta hiri ingurunearen arteko hurbiltze hori adierazteko.

Asteburuan zehar aukera egon zen bertako produktuak, produktu ekologikoak eta kalitateko beste bereizgarri batzuk zituzten produktuak erosteko, bai eta elikagai batzuk dastatzeko eta probatzeko ere, hala nola Idiazabal gazta, Arabako Errioxako olioa, txakolina, Euskal Sagardoa edo garagardoa, horietako asko ekoizpen ekologikokoak, gainera.

Eskaintza gastronomikoa osatzeko jarduera programa zabal bat egon zen. Jarduera horietatik nabarmentzekoak izan ziren musika emanaldiak, kaleko animazioa eta familientzako tailerrak. Familientzako tailerretan, parte hartzaileek artilearen artisautzako eraldaketa ezagutu ahal zutez, bai eta ortu ekologiko bat nola kudeatu, gastronomiako hainbat ideia hartu eta gaileta ekologikoak, taloak, gazta eta tallarinak prestatzen ikasi ere.

DENOKen “Basque Gabonetako Azoka” osatzen zuten gune batzuren produkzioaz arduratu ginen; Igartubeitia baserriari erreferentzia egiten dion baserri formako sarrera eta HAZI Fundazioak sustatutako produktuak zerbitzatzen ziren barra, hain zuzen ere, DENOKen diseinatu eta ekoiztutakoak, Donostian duela urte batzuk ospatzen den Apuruarako.

SAGARDO APURUA IV

Donostiako Sagardo Apuruaren laugarren edizioa iritsi da dagoenekoz. DENOKen oso harro gaude duela lau urte sortu, diseinatu eta ekoiztu genuen proiektu honekin, HAZI fundazioa eta Gipuzkoako Sagardogileen Elkartearen eskutik. Urtetik urtera arrakasta handiagoa izaten ari da eta jorratu degun esperientziaren ondorioak dira pozik handienak ematen dizkigutenak. Ez galdu aurtengoan ere garai batetan bezala gure baserrietan egiten zen Apuruan sagardoa dastatzeko aukera, Ezkio-Itsasoko Igartubeitia baserria errepresentatzen duen DENOKen eginiko karpa pertsonalizatu zoragarri honetan.

Txerriboda / Sagardo Festa Ordiziako Euskal-Jaietan

Ordizian Euskal-Jaiak iritsi dira eta “Basque; Zer jan hura izan / Somos lo que comemos” karpa ibiltaria, nola ez, bertan kokatu degu Garagarza Plazan. Hurbildu zaitez eta dastatu gure Txerriboda / Sagardo Festa-n eskaintzen diren Eusko Label produktuak. Irailak 6, 8 eta 9an zabalik aurkituko duzu, beraz ez galdu aukera paregabe hau.

Ikusi ondorengo argazkietan DENOK-en HAZI Elkartearentzat egiten gabiltzan karpa ibiltari pertsonalizatu honetan zein giro polita sortzen den:

Sagardo Fest Tolosan

Tolosan beti dago zerbait… eta pasa den Ekainak 9tik 11ra Sagardo Fest ekitaldia izan zen ospakizunaren motibu. Tolosaldeko sagardo desberdinez gain, beste hainbat lekutako sagardo bereziak dastatzeko aukera izan zen bertan. Oraingoan Bretaña, Normandia eta Iparraldeko sagardoak dastatzeko aukera ere izan zen hauek lurralde gonbidatu gisa ekarrita. Sagardoaren kultura eta historian barneratzeko aukera ere izan zen Tolosako sagardotegi zaharretara, edota izan zirenetara hurbilduz bixita gidatuen bitartez. “Euskal Sagardoa” denominaziodun sagardo dastaketa bereziak enologo baten laguntzarekin, kata-express, bixita gidatuak eta beste hainbat jardunaldik osatu zuten aurtengo Sagardo Fest Tolosan.

DENOK Triangulo Plazan kokatu zen karparen diseinuaz arduratu zen, eta baita proiektu honen produkzioaz ere. Ondorengo argazkietan ikus daiteke zein giro eder sortu zen bertan.

sagardofest

Gernikako bonbardaketaren 80.urteurrena ekitaldia Memoriaren Plaza erakusketan

Gogora Institutoaren Memoriaren Plaza erakusketa, DENOKen diseinatu eta produzitu duguna, Gernika-Lumon izan da bonbardaketaren 80. urteurrenarekin kointzidituz. Tokian tokiko jendearen testigantza desberdinak jasotzeaz aparte, erakusketa ibiltari honek ekitaldi oso interesgarriak ere jasotzen ditu bere barnean; eta pasa den apirilak 25ean, munduko leku desberdinetako jendea ere hurbildu zen bertara bonbardakeri oroimenez egin zen ekitaldiaz gozatzera. Bota begirada bat Hika Teatroak sortu zuen giroari hemen.

BESTE URTE BAT…

Beste urte bat igaro da konturatu gabe. Lan asko izan degu aurtengoan ere eta une hau aprobetxatu nahi izan degu gure bezeroen leialtasuna azpimarratzeko eta urte bat gehiago gurekin lan egitea nahi izan dutelako. Gure eskerrik beroenak HAZI, Gipuzkoako Sagardogile Elkartea, Gogora, Eusko Jaurlaritza, Gipuzkoako Foru Aldundia, MECAL, Iribarri Telecontrol, Zarauzko Udala, Adegi, Caritas eta beste erakunde eta enpresei guregan jarritako konfidantzagatik, denon artean egiten bait dugu DENOK.

Espero dugu 2017 urtean horrelaxe elkarlanean aritzea.

Gabon zoriontsu eta urte berri on bat opa dizuegu!

DENOK

 

 

BIEMH 2016

Aún faltan dos meses para abrir sus puertas pero ya está aquí la feria de mayor impacto en nuestro sector industrial, la Bienal de Máquina Herramienta. Los fabricantes de nuestro entorno son todo un referente del sector, al igual que lo es la BIEMH. Y de ahí la importancia de un buen posicionamiento ferial, tanto en imagen como en el contenido, ya que las ferias son el espacio perfecto para conocer clientes, indagar en sus necesidades, ofrecer soluciones y en el mejor de los casos, cerrar ventas. Gehiago irakurri